Офтоби ишқи оташбори ман
Офтоби ишқи оташбори ман,
Рӯйи роҳат нурфишонӣ мекунад.
Бориши борон ба рӯйи ин замин,
Қалби манро ашкрезон мекунад.
Ту нагӯ, ки ашки ёри бевафост,
На, азизам! Ашки ҳиҷрон аст, фироқ.
Бевафоӣ пешаи ту нест, нест,
Чашми манро интизорон мекунад.
Савти беовози дил ҳар соате,
Дар ғами ишқ нағмапардозӣ кунад.
Ишқ даруни синаи ман бо ғурур,
Гоҳ зи хеш розию норозӣ кунад.
Рӯйи роҳи зиндагӣ бо ишқи худ,
Ман туро бо меҳр овоз мекунам.
Бо ту дар пайроҳаи меҳру вафо,
Ман туро дар хеш шайдо мекунам.
Создано на конструкторе сайтов Okis при поддержке Flexsmm - накрутка друзей вк